میں نے خوابوں کا شجر دیکھا ہے” انسانی نفسیات کے متنوع پہلو ” محبت اور جنگ میں سب جائز ہے” کا اخاطہ کرتی ہے ۔ گھمنڈ ، دھوکہ دہی ، انا پرستی اور خود غرضی کہانی میں ایک اہم کردار ادا کرتی ہے ۔
عاشق بھور، فقیر تے ناگ کالے
بناں منتروں مُول نہ کِیلئے نی
یہ چاروں ہی اندر باہر سے کالے ہوتے ہیں ... بابا وارث شاہؒ فرماتے ہیں کہ ان چاروں کالوں سے راہ و رسم اُستوار کرنا ایک مشکل امر ہے یہ کسی کے متر نہیں ہوتے ۔ اگر ان کی قربت مجبوری یا ضرورت بن جائے تو ایسا رویہ اختیار کرنا چاہئے کہ اُن کی فطری مجبوریوں سے محفوظ رہتے ہوئے صرف خیر سے مستفید ہوا جا سکے۔
ممتاز مفتی کی شاہکار کتاب "لبیک" سرزمین حجاز کی طرف کئیےجانے والے روحانی سفر اور اللّٰہ کے ساتھ تعلق کے بارے میں ہے۔ مصنف نے حجاز میں ہونے والے واقعات، مشاہدات اور جذبات کو بڑی تفصیل سے بیان کیا ہے۔ اس روحانی تجربے کا اظہار اس قدر حیرت انگیز طور پر کیا ہے کہ اگر پڑھنے والا کبھی وہاں نہ گیا ہو تو بھی وہ خود کو وہاں پا لیتا ہے۔
"نادر لوگ" ناول عبداللہ حسین کا ایک اور شاہکار تاریخی ناول ہے۔ عبداللہ حسین کا یہ ناول برصغیر کی 78 سال کی سیاسی اور سماجی تاریخ کو بیان کرتا ہے۔
یہ ناول عبداللہ حسین کی مشہور کتاب ’’اداس نسلیں‘‘ کا تسلسل سمجھا جاتا ہے۔ اس ناول کی کہانی برصغیر میں 1897 سے 1974 کے درمیان پیش آنے والے تاریخی واقعات پر مبنی ہے۔ اس میں ایک ایسی قوم کی کہانی ہے جس میں اپنے حقوق کے لیے لڑنے کا جذبہ نہیں ہے اور لوگ تمام واقعات کو قسمت کا معاملہ سمجھ کر قبول کرتے رہے۔
یہ کہانی 1947 کے بعد اپنے عروج پر تب پہنچتی ہے جب پاکستان آزادی حاصل کرتا ہے۔ ناول میں آگے سقوط ڈھاکہ کے وقت لوگوں کی بے حسی، سختی اور ہنگامہ خیزی کی عکاسی کی گئی ہے جب پہلی بار غیر جمہوری قوتوں نے متحدہ پاکستان میں نفرتوں کے بیج بوئے، جن کی وجہ سے 1971 میں پاکستان دو ٹکڑے ہوا۔
’’نادر لوگ‘‘ ان لوگوں کی کہانی ہے جو زندگی گزارنے کے بہت اچھے اصول تو رکھتے تھے لیکن جب ظلم اور زیادتی کے خلاف کھڑے ہونے اور اپنے حقوق کے لیے آواز اٹھانے کا وقت آیا تو وہ ثابت قدم نہ رہے۔ یہ کتاب بنیادی طور پر پاکستان کی دیہی زندگی کا خاکہ ہے، جہاں لوگ اپنے اردگرد ہونے والی ہر چیز کو اپنا مقدر مان لیتے ہیں لیکن چیزوں کو درست کرنے کی کوئی کوشش نہیں کرتے۔
